Nou misyon

Dan lil Moris

Indie’s World rekonet kouma enn linstitsion charitab, dedie pou protez ek sov bann lisien lari ki dan soufrans. Viktim aksidan, move tretman ouswa maladi, sa bann lisien-la souvan ariv avek plizir blesir ek dan enn leta vilnerab.

Nou misyon, donn zot enn nouvo koumansman atraver :

Lakey ek swen bann lisien abandonne ouswa blese
Swin medikal ek bon manze, avek swivi veterinèr inportan pou zot geri
Sosyalizasion ek reabilitasion, pou aprann zot viv ansam ek rekonstrir zot konfians ar dimoun
Adopsyon responsab, pou gid sak fami dan enn langazman reflechi ek dirab

Dan Lerop

Dan Swis ek Frans, Indie’s World enn lasosyasion san profi ki zwe enn rol inportan dan devlopman ek sipor refiz Moris.

So but : mobiliz enn kominote angaze pou donn enn deziem sans bann lisien ki finn sove.

Nou aksion :

Fer dimoun konn nou misyon, sansibiliz ek promouvwar koz zanimo
Fer adopsyon vinn pli fasil et rod enn fami pare pou donn enn lakaz ranpli ar lamour
Kréé lalians, an kolaborasion avek bann lasosiasion ek lorganizasion dan Lerop ek a linternasional
Rasanble bann resours inportan : don finans, materyel ek l'engazman benevol

Nou but

Sensibilize, edike ek azir pou enn meyer lavenir

Nou krwar ki linformasion ek laksion lakle pou sanzman. Nou mision sé fer bann dimounn vinn konsian ek partaz nou konesans pou amelyor proteksion ek bienn-ete bann zanimo

1. Amelyor dignite ek kalite lavi bann zanimo

– Sensibiliz piblik lor pran swin ek ledikasion bann lisien
– Organiz latelie prevansion kont abandon ek move tretman
– Ankuraz enn bon koabitasion ant imin ek zanimo

2. Lut kont siperpopilasion bann lisien lari

– Met anplas kanpayn sterilizasion efikas ek dirab
– Kolabore avek bann lasosyasion ek linstans gouvernman pou azir konkretman
– Promouvwar enn lapros etik ek responsab dan zestion zanimo

Nou aksion pou adopsyon

Lakey

Soinye

Sosyalize

Lakey : depi adaptasion ziska konfians

Vine dan refiz enn gran sanzman pou sa bann lisien-la, souvan marke par la per ek soufrans. Pou premie fwa, enn imin pe vey lor zot, donn zot swin ek lafeksyon. Enn premie lian koumans forme — zot feb, me ranpli avek lespwar.

Sak lisien swiv enn parkour adapte avek so leta : sertin, ki an meyer form, kapav rant dan group ek reaprann viv ansam. Lezot, tro per ouswa malad, reste dan enn landrwa sekirize kot zot gagn swin ek aprann tigit tigit pou viv parmi ar imin.

🖤 But : met enn konfians mityel, enn etap inportan pou zot reabilitasion ek, enn zour, zot adopsyon.

Soinn : enn konba toulezour

Apre enn peryod obsérvasion ek evaliasion medikal, bann lisien malad ouswa blese gagn swen an kolaborasion avek nou bann veterinèr partener. Kouma pa ena bann sant lopital adapte, nou lekip mobilize zour ek nwit pou donn zot bann swen neseser pou zot sirvi.

Enn travay ki demann presizion ek pasians : swen blesir, donn medikaman, donn manze, reidratasion, sanz pansman… Sak ti zefor konte ek kapav fer diferans ant lavi ek lamor.

Enn langazman total : ant deplasman, swen ek rod finansman, sak ka enn gran defi. Me pou nou lekip, ena zis enn regle : pa abandone ek fer tou pou donn zot enn deziem sans !

🖤 But : donn zot zot lasante ek lafors ankor enn fwa.

Sosyalize : enn aprantisaz inportan

Kan zot finn geri, vinn pli for ek gagn konfians, lisien-la rant dan zot group tipti tipti. Me sa sanzman-la pa toultan fasil — sakenn bizin trouv so plas, aprann viv ansam ek adapte ar lezot lisien. Enn etap kle kot bizin gard balans dan group.

Enn travay observasion ek azisteman : nou lekip asire ki ena kalm ek disiplin, e li evalie bann interaksion pou anpes konfli ek garanti enn bon integrasion

Enn ledikasion lor mezir : gras a nou kolaborasion avek Dog Training & Rehabilitation Unit, nou ansegn bann lisien bann baz inportan, nou ed zot vinn plis sosyal ek prepar zot pou lavi dan enn fami

Nou misyon : donn zot tou bann sans pou grandi, viv ere ek gagn enn bon lakaz ranpli lamour.

🖤 But : ki enn lisien bien dan so lapat, pare pou enn nouvo lavi.